Ауыз сумен қамту

Ауданның 18 елді мекені орталықтандырылған су желісімен қамтылған.

Жаңа өмір және Ұзынкөл ауылдарын сумен қамту бойынша жұмыстар 2018 жылы басталды. Жаңа өмір ауылы бойынша мердігер мекеме «АльфаСтройСервис» ЖШС келісім шарт соммасы 339 360,0 мың теңге. Ұзынкөл ауылы бойынша «Қазқұрылыс сервис» ЖШС келісім шарт соммасы 144 431,5 мың теңге. 2019 жылы құрылыс жұмыстары жалғастырылды. Нысандар 2019 жылы тапсырылатын болады.  

Жайық ауылында су құбырының құрылысына жобалау жұмыстары 2017 жылы аяқталды. 2018 жылдың желтоқсан айында аталған ауылдың су құбырының құрылысы бойынша конкурс жарияланып, «Жолаушы-Жол» ЖШС-мен 25.02.2019ж келісім шарт жасақталды. Бүгінгі күні жұмыстар атқарылып жатыр.

2017 жылы аталған бағытта Юбилейное ауылындағы су құбырының құрылысы нысанына жобалау жұмыстары аяқталды. 2019 жылдың 5 наурыз айында аталған ауылдың су құбырының құрылысы бойынша конкурс жарияланды. Бүгінгі күні аталған нысан құрылысы бойынша «KCG» ЖШС келісім шарт жасалып, жұмыстар атқарылып жатыр.

«Федоровка ауылындағы 528 жер телімінің су құбырының құрылысы бойынша жұмыс жобаларын дайындауға «Smartech» ЖШС-мен 2 678,6 мың.тенгеге келісім шарт жасақталды. Аталған жоба құрылысын жүргізуге «Батыс Қазақстан облысының құрылыс басқармасына» өтінім жолданды. 

«Теректі ауданының Богдановка, Приречное ауылындағы су құбырын қайта құру» жұмыс жобалары бойынша 2018 жылы сараптаманың оң қорытындысы. 2018 жылдың желтоқсан айында аталған ауылдың су құбырының құрылысы бойынша конкурс  жарияланып, «Жолаушы-Жол» ЖШС-мен 11.02.2019 ж келісім шарт жасақталды. Бүгігі күні жұмыстар атқарылуда.

Тоқпай ауылындағы 290 жер телімін сумен қамту бойынша «АртОралПроект» ЖШС келісім шарт жасақталды. Бүгінгі таңда жобалау жұмыстары аяқталды.

Подстепное, Үлкен Еңбек, Социализм және Пойма ауылдарына сумен жабдықтауға арналған жобалық-сметалық құжаттамаларды дайындауға конкурс жарияланып, бүгінгі күні жобалау жұмыстары жүргізіліп жатыр. Подстепное ауылы бойынша жобалушы мекеме «УралВодПроект» ЖШС Орал қаласы, Үлкен Еңбек, Социализм, Пойма ауылдары бойынша «Проектная группа «Архитектор» Шымкент қаласы

 

Газдандыру  

Ауданда 33 ауылға табиғи газ берілді, бұл елді мекендердің жалпы санының 63% немесе жалпы халық санының 86,1% құрайды.

2018 жылдың тамыз айынан бастап Богдановка, Придорожное, Приречное, Донецк, Алғабас, Сәрсенов және Шөптікөл ауылдарын газдандырудың ауылға дейінгі жеткізу жұмыстары басталды.

Аталған 7 елді мекенді табиғи газға қосылған жағдайда ауданның газбен қамтылу көрсеткіші – 91,3 пайызын құрайды.

Долинное, Төңкеріс, Қоныссай, Қабыл төбе, Новая Точка, Сүттігенді, Тасан-Шеген, Бекей, Донецк, Богдановка, Придорожное, Приречное, Алгабас,Сарсеново, Шөптікөл, Сатым-Шеген, Бозай, Карабас, Дуана  ауылдарын газбен жабдықтау бойынша жобалау жұмыстары аяқталды.   Жобаларға мемлекеттік сараптаманың оң қорытындылары алынып, жобалар «БҚО энергетика және тұрғын үй-коммуналдық шаруашылық басқармасы» ММ құрылыс жұмыстарын жүргізу үшін тапсырылды.

2019 жылдың 1 қаңтары жағдайына Долинное, Төңкеріс, Қоныссай ауылдарында жалпы саны 451 ауланы қамтиды, 1507 адам тұрады.

Долинный ауылында 6 әлеуметтік нысан қызмет істейді – «Долин селолық округі әкімінің аппараты» ММ, «Чапаев» ЖОББМ, «Назерке» бала бақшасы, ФАП, кітапхана. Мектепте – 139 бала білім алуда, балабақшада – 33 тәрбиеленуші.

Төңкеріс ауылында – Долин негізгі мектебі, фап, клуб, шағын орталық. Мектепте – 58 бала білім алуда, шағын орталықта – 11 бала тәрбиеленуде.

Қоныссай ауылында – мектеп қызмет атқаруда, білім алушылар саны – 8 бала.     

Аталған 3 елді мекенде ауданымыздың 3,73 пайызы шоғырланған, табиғи газға қосылған жағдайда ауданның газбен қамтылу көрсеткіші – 95 пайызын құрайды.

Долинный, Төңкеріс, Қоныссай ауылдарын газға қосу жобасының жалпы құны -  344 392,0 мың теңге.

 «Теректі ауданының Федоровка ауылындағы 528 жер телімін газбен жабдықтау» үшін ЖСҚ дайындау  бойынша «Инженер+» ЖШС-мен        2 678,5 мың.теңгеге жасақталып, 2018 жылдың 8 тамызда сараптаманың оң қорытындысы алынды. Сонымен қатар «БҚО Теректі ауданының Придорожное ауылындағы әлеуметтік нысандарды газтен жабдықтау» жұмыс жобасы 1 200,0 мың теңгеге дайындалды. Қазіргі уақытта аталған жоба сараптамаға жолданды.

Тоқпай ауылындағы 222 жер телімін газбен жабдықтау және Теректі ауданының  Сарсеново, Шөптікөл, Алғабас, Богдановка, Төңкеріс, Долинное, Приречное, Дуана, Бозай, Сатым-Шеген, Қабыл Төбе ауылдарындағы әлеуметтік нысандарды газбен жабдықтау бойынша ЖСҚ дайындау үшін «УралГазПроект» ЖШС келісімшарт жасалып, жобалар сараптамаға тапсырылды.

 

Құрылыс

«Коммуналдық тұрғын үй қорының тұрғын үйін жобалау және (немесе) салу, реконструкциялау» бюджеттік бағдарламасы бойынша Федоровка және Ақжайық ауылдарындағы 3 қабатты көп пәтерлі тұрғын үйлердің жұмыс жобалары аяқталып, кешенді ведомстводан тыс сараптаманың оң қорытындылары алынды. 2018 жылдың маусым айында Ақжайық ауылында 3 қабатты көп пәтерлі тұрғын үй құрылысы басталып, қазан айында қаражат болмауына байланысты жұмыстар тоқтатылды. Мердігер мекеме - «АлТим» ЖШС. Құрылыс-монтаж жұмыстарының соммасы – 261 361,4 мың теңге. 2019 жылдың наурыз айында құрылыс жұмыстары қайта басталды. 2019 жылдың тамыз айында аталған жұмыстар аяқталатын болады. 

2018 жылдың маусым айында басталған Федоровка ауылында 3 қабатты 36 пәтерлік тұрғын үй құрылысы 2019 жылдың маусым айында аяқталуы жоспарлануда . Мердігер мекеме «Альтаир» ЖШС, жоба құны 436 688,2 мың теңге.

«Нұрлы жер» бағдарламасы бойынша «Теректі ауданының Федоровка және Жаңа өмір ауылында 3 қабатты тұрғын үй құрылысы» нысанына жобалық-сметалық құжаттама дайындау үшін «Даумшар» ЖШС және «Smartech» ЖШС-мен келісім шарт жасақталды. «Теректі ауданының Федоровка (2 үй), Подстепное (2 үй), Ақжайық және Жаңа Өмір ауылдарында 3 қабатты тұрғын үй құрылысы» жұмыс жобалары «DAB LTD» ЖШС-мен дайындалды. 2018 жылы аталған жобаларға сараптаманың оң қорытындысын алынды. Подстепное, Жаңа Өмір ауылдарында 3-қабатты көппәтерлі үйлердің құрылыстарын бастауға конкурс 22 сәуір күні жарияланды.

Мәдениет объектілерін дамыту бағдарламасы бойынша Жаңа өмір ауылындағы 300 орындық мәдениет үйінің құрылысының жобалық сметалық құжаттамасы жасақталып, жоба бойынша мемлекеттік сараптаманың оң қорытындысы 2018 жылдың 18 қаңтарда алынды.

Аталған жобаларды жүзеге асыру үшін Батыс Қазақстан облысының құрылыс басқармасына өтінім жолданды.