2017-2018 оқу жылының ІІ тоқсанына аудан бойынша 5923 оқушы контингентімен (1-4 сыныптарда 2502 оқушы, 5-9 сыныптарда  2729 оқушы, 10-11 сыныптарда 692 оқушы)  38 жалпы білім беру ұйымы, оның ішінде 21 жалпы орта білім беретін мектеп, 9 негізгі мектеп және 8 бастауыш мектеп жұмыстануда. Соның ішінде, шағын жинақты мектептер саны – 26 бірлікті құрайды, ондағы оқушы саны -1573. Бастауыш мектептер – 7, ондағы оқушылар саны – 77, негізгі мектептер – 9, ондағы оқушылар саны - 425, жалпы орта білім беретін мектептер саны – 10, ондағы оқушылар саны – 1071. Кешкі мектептер саны 1, ондағы оқушылар саны – 37.

2017-2018 оқу жылында – 1178 мұғалім жұмыс жасауда. Жас мамандар саны -25.

Биыл 307 оқушы 22 орта және 46 оқушы кешкі ауысымдағы мектепті бітірді. Ұлттық бірыңғай тестлеуге солардың 207 қатысты. 33 түлек «Алтын белгі», 8-зі ерекеше үлгідегі аттестат алды. Аудан бойынша ең жоғары балл – 124. (Ербаянова Дария – аудандық лингвистикалық гимназиясының түлегі).

38 білім беру нысанында ыстық немесе буфет арқылы тамақтандыру жолға қойылған. 5 923 оқушының 4 063 ыстық тамақтандырумен қамтылған, 3439 бала тегін ыстық тамақ ішеді.

Аудан бойынша 12 балабақша, 25 шағын орталық мектепке дейінгі оқыту және тәрбиелеумен айналысады. Аудан бойынша мектепке дейінгі ұйымдарға кезекте тұрған барлық бала саны – 867, оның ішінде 3-6 жас аралығындағылар – 5, 0-1 жас аралығындағылар – 551, 1-3 жас аралығындағылар – 311.

2017 жылы аудан бойынша 39 мектеп жанындағы жазғы демалыс лагерлері  ашылып, 5552  оқушы қамтылып, барлық оқушылар санынан 99,2 пайызды құрады. Аз қамтылған отбасының оқушылар саны – 1211, ол барлық оқушылар санының 21,5 пайызын құрап отыр.

«Мектепке жол» акциясында аудан бойынша 1145 оқушыға 7,5 млн. теңгеге, оның ішінде 649 оқушыға 4,2 млн. теңгеге бюджеттен тыс қаражат есебінен материалдық көмек көрсетілді.

 Жергілікті бюджеттен 40,7 млн. теңге және облыстық бюджеттен 133,0 теңге оқулықтарды және әдістемелік нұсқаулықтарды сатып алуға барлығы 173,7 млн. теңгеге және көлік қызмет көрсетулеріне жергілікті бюджеттен 5,5 млн. теңгеге 21 баспадан 129,4 мың дана алынды.

Аудан мектептеріне ағымдағы жөндеу жұмыстарын жүргізу үшін 11,8 млн. теңгеге құрылыс материалдары алынды.

Аудан мектептеріне 69 дана интерактивті тақталары алынды.

Ауданның мектептер жанындағы интернаттарға 47 дана кереует алынды.

11 мектепте жалпы құны 24 млн. 426,0 мың теңгеге жөндеу жұмыстары жүргізілді. Аңқаты орта мектебінде жылыту жолы ауыстырылды. Богдановка, Подстепное қазақ, Талпын және Чапаев мектептерінде жаңа қазандықтар орнатылды. Аудандық лингвистикалық гимназиясының шатыры жөнделді. Аңқаты, Магистральный, Ы.Алтынсарин атындағы мектептерде әжетханалар орнатылды. Федоровка қазақ мектебінің алдына брусчатка төселді. Чапаев мектебінде пластик терезелер орнатылды. Алғабас бастауыш мектебі электр қуатымен жылытуға көшті.

2017 жылы Талпын негізгі мектебі табиғи газға қосылды. Жалпы аудан мектептерінің ішінде 27 ғимаратқа газ жеткізілген, 2 мектеп электр қуатымен, 9 мектеп қатты отынмен жылытылады.

Сарыөмір ауылы Х.Есенжанова атындағы ЖОББ мектеп ғимаратына күрделі жөңдеу жұмыстары аяқталды. Биылғы жылы Долинное ауылындағы Чапаев ЖОББ мектебінде күрделі жөндеу жұмыстырын жүргізу жоспарлануда. Сонымен қатар, күрделі жөндеу Ақсуат ЖОББ мектебінде жүргізіледі.