Аудандық білім беру бөлімінің бюджеті   2019 жылдың бюджет қоры 4 921,7 млн. тенге.

Ауданда 11 балабақша, 4 жеке меншік балабақша және 25 шағын орталық бар. Балаларға  тәрбиелеу және оқыту үшін тиісті жағдайлар жасалған.  3 жастан 6 жас аралығында 1640 бала мектепке дейінгі тәрбиелеу мен оқытумен 100 %  қамтылды.

Жеке меншік бөбекжайларды қаржыландыру бойынша аудандық бюджеттен 96 198,0 мың. тенге субсидия бөлінді (бір балаға төленетін  қаржы мөлшері -30250,53 тг құрайды).

Мектепке дейінгі ұйымдарға балаларды кезекке қою және жолдама беру қызметі толық автоматтандырылды.  Қазіргі таңда балабақшалар кезегіне 837 сәби тіркелген (0 - 1  - 408, 1-2 - 281, 2 - 3 – 140, 3 - 4 - 8).

Аудандағы білім сапасы 2018-2019 оқу жылының қорытындысы бойынша  58,4% құрады.

Оқу жылын 331 түлек аяқтады, оның ішінде 41 оқушы "Алтын белгі" иегері  және 23 оқушы ерекше аттестат иегері болды.

Ұлттық бірыңғай тестілеуге аудан мектептерінің 244 оқушысы қатысты. ҰБТ тапсыру бойынша орташа балл – 82.  100 және жүз баллдан жоғары 88 түлек жинады.

Жазғы кезеңде жазғы демалыспен және сауықтырумен  5763 бала қамтылды, бұл 100%. Оның ішінде Сарыөмір ауылындағы жаңа лагерде 400 бала, Түркістан облысындағы «Біркөлік шатқалы» сауықтыру лагерінде 75 бала демалса, 2 бала Италияда демалып қайтты.

Ауданның 32 мектебінде 69 интерактивті кабинет жабдықталған, 10 мектеп жұмыс барысында kundelik.kz электрондық журналдар мен күнделіктерді пайдаланады. Жаңа оқу жылында электронды журналдарды тағы 8 мектеп пайдаланатын болады.

 Ауданның 35 мектебінде 90 BILIM BOOK оқыту құрылғысы орнатылған  және де  ауданның барлық мектептері BilimLand білім беру порталының ресурстарын пайдалануда.

Аудандық  лингвистикалық гимназияда, Федоров қазақ, Подстепный қазақ, Шаған, Ақжайық мектептерінің базасында 5 IT-сыныптары ашылып, пайдаланылып отыр.

Балаларды мектепке    қабылдау  автоматтандырылған мемлекеттік қызмет көрсету бойынша  1-сыныпқа келетін 675 бала   түрі арқылы қабылданды.

Жаңартылған білім беру мазмұнына 4, 9 және 10 сыныптар көшеді. Жаңа оқулықтарға аудандық бюджеттен 94 млн. теңгеден астам қаржы бөлінген. 66742 дана оқу әдебиеті сатып алынды.

Шаған жалпы орта білім беретін мектеп базасында 5-сынып оқушылары оқи алатын мамандандырылған «Жас сарбаз» кеңсесін ашылды

Ақжайық жалпы білім беретін орта мектебі жанындағы интернатқа және  6 жалпы білім беретін мектеп ғимараттарына, жылу жүйесіне  ағымдағы жөндеу жұмыстары жүргізілді.

Донецк бастауыш мектебінің ғимаратына 14 млн. теңге  қаражатқа жасалған ағымдағы жөндеу жұмыстары жүргізіліп, туристік база ашылды. 

Биылғы жылы Аңқаты, Покатиловка және Шаған мектептерінде заманауи спорт алаңдары салынып, пайдалануға берілді.