Жұмыспен қамту және әлеуметтік көмек

Әлеуметтік қамтамасыз ету

Аудан бойынша кедейлік шегінен төмен тұратын азаматтардың жалпы саны 3202 адам (654 отбасы), бұл халықтың жалпы санынан 7,6%-ын құрайды. 2018 жылдың осы кезеңімен салыстырғанда кедейлік шегінен төмен тұратын азаматтардың саны 395 отбасы, 2002 адамға көбейіп отыр. (2018 жылдың 1 мамырына аудан бойынша кедейлік шегінен төмен тұратын азаматтардың саны 1200 адам (259 отбасы).

Тіркелген жұмыссыздар саны 441 адам, бұл жұмыссыздық деңгейінің 2,1% құрап,  2018 жылмен салыстырғанда 0,3% өсіп отыр.

Бүгінгі күні аудан бойынша экономиканың барлық салаларында 148 жаңа жұмыс орындары құрылып (жоспар 613 ж.ж.о.), с.і. ауыл шаруашылығы – 81, өнеркәсіп – 12, сауда – 25, көлік – 13, құрылыс – 1, басқа салалар– 16 жаңа жұмыс орын). 2018 жылы 201 жаңа жұмыс орны ашылды.

Жаңа форматтағы атаулы әлеуметтік көмек

Жаңа форматтағы атаулы әлеуметтік көмектің түріне 2019 жылға 95071,0 мың теңге бөлінді, оның ішінде РБ-тен 46590,0 мың теңге, ЖБ-тен 48481,0 мың теңге. Қазіргі таңда факті бойынша орындалуы 70909,0 мың теңгені құрады, оның ішінде: шартты ақшалай көмек – 59922,2 мың теңге сомасына (546 отбасына, оның ішінде 2776 адам ); шартсыз ақшалай көмек – 10986,8 мың теңге сомасына (108 отбасына, оның ішінде 426 адам). Атаулы әлеуметтік көмек алушылардың ішінен 37 адам ақылы қоғамдық жұмыстарға тартылса, 8 адам әлеуметтік жұмыс орындарына,1 адам жастар тәжірибесіне, 13 адам тұрақты жұмыстарға орналастырылды.

Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасының іске асыру

Ағымдағы айда халықты жұмыспен қамту орталығына нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасына қатысу үшін аудан бойынша 692 адам жолыққан болса, соның барлығына кеңес беріліп және жұмыссыздықтан әлеуметтік шаралармен қамтылды. 317 мемлекеттік қолдаусыз жұмысқа орналастырылды, 73-і әлеуметтік жұмыс орындарына жолданды, 180 ақылы қоғамдық жұмыстарға тартылды, 13 адам жастар тәжірибесіне жолданды. 38 адам қайта даярлау курстарына және 45 адам «Бастау Бизнес» жобасы бойынша кәсіпкерлік негіздеріне оқуға жолданды.

Ағымдағы жылы әлеуметтік жұмыс орындарын ұйымдастыруға республикалық бюджеттен 43 адамға 11 774,0 мың теңге және жергілікті бюджеттен 22 адамға 5 990,0 мың теңге бөлінді. Бөлінген қаражаттын республикалық бюджеттен 3 865,3 мың теңгесі және жергілікті бюджеттен 1982,0 теңгесі игерілді. Жыл басынан 24 жұмыс берушімен келісім шарт жасалып, 73 адам жолданды.

2019 жылы жұмыссыз отырған түлектерді уақытша жұмыспен қамту мақсатында жастар тәжірибесін ұйымдастыруға республикалық бюджеттен 93 адамға 35 224,0 мың теңге және жергілікті бюджеттен 38 адамға 14 393,0 мың теңге бөлінді. Жыл басынан жастар тәжірибесін өтуге 13 түлек жолданған болатын. Республикалық бюджеттен бөлінген қаражаттын 3 140,1 мың теңгесі игерілді.

Елді мекендерді абаттандыру және тазалығын сақтау үшін ақылы қоғамдық жұмыстарды ұйымдастыруға жергілікті бюджеттен 31 066,0 мың теңге бөлінді, соның 14 104,1 мың теңгесі игерілді. Қоғамдық жұмыстарға 180 жұмыссыз азамат тартылды.

Әлеуметтік жобалар іске асыру

Аудан бойынша әлеуметтік жобаларды іске асыру жөніндегі 1830,0 мың теңге көлемінде 29 меморандумға және қызметкерлердің еңбек құқығын және кепілдігін қамтамасыз ету және өндірістік процесстерді тұрақтандыру мәселесі бойынша өзара ынтымақтастық жөнінде жеке сектор кәсіпорындары арасында 149 меморандумға қол қойылды.

Тұрғын үй көмегі 78 отбасы 860,0 мың теңге көлемінде көрсетілді, өткен 2018 жылдың кезеңімен салыстырғанда 70 отбасына 857,3 мың теңге көлемінде көрсетілді.

1313 азаматқа 29 650,0 мың теңге мөлшерінде әлеуметтік көмек көрсетілді, өткен 2018 жылдың кезеңімен салыстырғанда 1210 адамға 26 314,7 мың теңге көлемінде көрсетілді.

15 ақпан - Ауғанстан аумағынан Совет әскерлерін шығару күніне орай, ауған соғысының 21 қатысушысы мен мүгедектеріне 30,0 мың теңгеден және қайтыс болған әскери қызметшінің отбасына 20,0 мың теңге, жалпы 22 адамға 650,0 мың теңге көлемінде әлеуметтік көмек көрсетілді.

26 сәуір – Чернобыль АЭС апаты салдарын жоюға қатысқандарды еске алу күніне орай, Чернобыль АЭС-іне қатысушылар мен мүгедектеріне 30,0 мың теңге және қаза тапқан адамдардың отбасыларына 10,0 мың теңге, барлығы 25 адамға жалпы сомасы 650,0 мың теңге көлемінде әлеуметтік көмек көрсетілді.

 9 мамыр Жеңіс күніне орай, Ұлы Отан Соғысының қатысушылары мен мүгедектеріне және оларға теңестірілгендерге, соғысқа қатысушыларға теңістірілген адамдардың басқа да санаттарына жалпы саны 514 адамға жергілікті бюджеттен 5 915,0 мың теңге көлемінде әлеуметтік көмек көрсетілді.

Үйден оқитын 23 мүгедек балаға 520,0 мың теңге көлемінде материалдық көмек көрсетілді, өткен жылдың кезеңімен салыстырғанда 18 мүгедек балаға 399,0 мың теңге көлемінде көрсетілді.

Жеке оңалту бағдарламасы бойынша 26 мүгедек міндетті гигиеналық құралдармен, инватакси арқылы 12 адам қызмет алды, 67 мүгедек жеке көмекші және 8 мүгедек ымдау тілі маманның қызметін алуда. Жыл басынан  12 мүмкіндігі шектеулі жан жұмысқа орналасты.

77 әлеуметтік қызметкердің қызметінде 264 адам бар, соның ішінде 11 мүгедек бала, 237 қариялар мен 5 мүгедек және 11 адам 18 жастан асқан психоневрологиялық ауруы бар мүгедектер.

Өткен 2018 жылдың кезеңімен салыстырғанда 84 әлеуметтік қызметкердің қызметінде 294 адам бар, соның ішінде 16 мүгедек бала, 259 қариялармен 4 мүгедек және 15 адам 18 жастан асқан психоневрологиялық ауруы бар мүгедектер.